Граѓаните од ромска етничка припадност се жалат на дискриминација при вработување
Да се биде Ром и да се бара работа е потешко отколку за другите националности. Дискриминацијата и предрасудите кон Ромите продолжуваат. Вака вели Гиле Ајдар кој денеска дојде на саемот за вработување.
Елвис Шакири, извршен директор на невладината организација Ромалитико, вели дека овој саем за вработување е добра можност, особено за ромската националност да се најде работа во некои од компаниите во земјата.
Според работодавците, во овој момент компаниите се соочуваат со недостиг на работна сила во земјава и не секогаш ниските плати се главната причина.
Ромалитико во соработка со Стопанската комора го организираше овој саем за вработување на кој учествуваа околу 25 компании од земјава кои имаат потреба од работници. Пред неколку дена сличен настан организираа и словенечки компании кои понудија работа со подобри плати и услови за работниците од нашата земја.
Авни Тахири
