Генералниот секретар на Обединети Нации, Антонио Гутереш предупреди на опасност од хуманитарна катастрофа и последици за целиот регион доколку израелската војска продолжи со офанзивата во Рафа, јужниот дел на Појасот Газа.
Advertisements
„Половина од населението на Газа сега е во Рафа и нема каде да оди. Информациите дека израелската војска планира да ги фокусира следните операции на Рафа се алармантни. Таквата акција експоненцијално ќе го влоши она што веќе е хуманитарен кошмар со неописливи регионални последици“,објави Гутереш на платформата X.
Неодамна израелската влада најави офанзива против Рафа, град лоциран на границата со Египет.
