Гужви во клиниките коишто служеа како ковид центри
Во текот на неделата Клиниката за гастроентерохепатологија во Скопје се врати во функција. Пациентите кои имаат проблеми со стомакот сега можат да добијат болнички третмани на оваа клиника. Но, зголемениот број на пациенти ги натера да ги пополнат слободните термини за преглед, бидејќи веќе неколку месеци немаа можност за лекување. Директорката на оваа клиника, Калинка Гривчева рече дека амбулантските служби функционирале и за време на кризата, признавајќи дека сега работата е двојно зголемена.
Од Министерството за здравство велат дека интерните клиники кои служеле како ковид центри, сега треба да се вратат во служба на граѓаните за другите болести.
„Поради намалувањето на бројот на хоспитализирани во последната недела, затворени се ковид центрите во Клиниката за гастро, Клиниката за нефрологија, Клиниката за ОРЛ и Клиниката за очни болести. Во моментов, ситуацијата покажува дека нема потреба од проширување на болничкиот капацитет за лекување на пациенти со ковид 19“, велат од Министерството за здравство.
Оваа клиника и другите интерни клиники неколку месеци беа претворени во ковид центри за пациенти кои се лекуваа од ковид 19. Но, по намалувањето на бројот на хоспитализирани, тие се вратија во претходната состојба. Во моментов, пациентите се лекуваат само во неколку ковид центри и инфективни одделенија во болниците низ земјава.
Аднан Ќаили
