Гужви за влез и излез од Охрид, Бочварски уверува: „Ќе се заврши до 10 јули“
Гужви за влез и излез од Охрид, Бочварски уверува: „Ќе се заврши до 10 јули“
Додека автобусите со странски туристи од охридскиот аеродром до хотелите патуваат и по два и пол часа, поради пренасочување на сообраќајот по стариот пат, властите најавуваат дека градежните активности на потегот кај Подмоље ќе завршат најдоцна до 10 јули. Градежните работи што ги започна централната власт на влезот на Охрид на почетокот на туристичка сезона, предизвикуваат голем револт кај локалната власт, хотелиерите и станоиздавачите.
„Она што е важно дека до 10-тти ќе биде оспособена оваа трака и ќе се вози повторно по овој дел од автопатската делница и сметам дека до ударниот главен дел од туристичката сезона, оваа траса ќе биде приспособена“, изјави Благоја Бочварски-минстер за транспорт и врски.
„Ако успееме да ја обезбедиме и еластичната ограда тогаш до 10 јули, тогаш ќе можеме да ги пуштиме и двете ленти од Охрид до Подмоље“, рече Ејуп Рустеми-директор на ЈП за државни патишта.
За барањата на угостителите и локалните власти во Охрид работите да се одложат до септември, Бочварски вели дека сето ова што сега се прави иако е веќе почната туристичката сезона, се правело за доброто на туризмот. А, иако постои неверување во јавноста дека автопатот Кичево-Охрид ќе биде целосно завршен до крајот на оваа година, Рустеми е оптимист.
„Даваме големи напори да се почитува договорот до 31.12 овој автопат да биде завршен…“, изјави Ејуп Рустеми-директор на ЈП за државни патишта.
Изминативе години властите најавуваа дека со подобрување на временските прилики работите ќе се интензивираат, но потоа на автопатот многу малку се работеше.
Мики Трајковски
