Хаосот со вадење нови патни исправи продолжува
Продолжува хаосот пред шалтерите на МВР. Граѓаните, нервозата не ја кријат пред камерата.
Некои велат дека дошле од дијаспората да извадат нови документи, земале неплатено отсуство и потрошиле стотици евра.
Замената на возачките дозволи и сообраќајните до крајот на оваа година ќе бидат бесплатни за сите граѓани.
И патните листи по амбасадите нема да се наплаќаат. НМК налепницата на регистарските таблички е задолжителна, а меѓународниот МКД код на сообраќајните дозволи е важечки и не се менува. Собранието го измени законот со кој возачките дозволи со старото државно име ќе важат до нова година, но само за внатрешна употреба. Со стара дозвола и лична карта, сообраќајот е дозволен само во земјите од регионот, како што се Косово, Албанија и Србија, а земјите од ЕУ не прифаќаат без „Северна“.
