На полноќ во Хрватска започна изборниот молк пред вториот круг на претседателски избори, закажан за утре, 12. јануари. За актуелниот претседател Зоран Милановиќ (СДП) и Драган Приморац, кого го поддржува владеачката ХДЗ, ќе гласаат нешто помалку од 3,8 милиони граѓани запишани во избирачкиот список. Дневникот на Нова ТВ ексклузивно ги објави резултатите од последното истражување на јавното мислење.
Advertisements
Според анкетата на агенцијата IPSOS, спроведена за Нова ТВ, Зоран Милановиќ сè уште има голема предност пред Драган Приморац – од сите испитаници кои велат дека ќе излезат на изборите, 67,4 проценти ќе гласаат за Милановиќ, а Приморац ќе добие малку помалку од 27 проценти. Неодлучни се 5,8 проценти.
