И Македонија опфатена со царините на САД
Нов удар за македонската економија. Американскиот претседател Доналд Трамп, воведе нови увозни царини за 60 држави, меѓу кои и Македонија, со царинска стапка од 33%, штозначи америкасните увозници ќе треба да платат дополнителна давачка во вредност од една третина на македонските стоки исе очекува да намали извозот од земјава во САД. Македонија во САД најмногу извезува тутун, облека, железо и челик“.
Од Владата велат дека ваквите мерки од САД, нема да имаат голем импакт кон Македонија, но како што се вели во нивното соопштение, тие имаат подготвен план за надминување на целата ситуација.
„Она што е значајно да се спомене е дека нема потреба од никаква паника, ниту од избрзани реакции и заклучоци. Станува збор за нешто долго најавувано од оваа администрација, и не е одмината ниту една земја – дури ни најстарите и најтрадиционални партнери на САД. Ова е обид за репреговарање на трговските односи во светот – нешто што беше неопходно и што, иако сега за некои претставува шок, за други ќе значи можност“, велат од владата.
Познавачите велат дека ваквите мерки се „земјотрес“ и за европа но и за Македонија. Додаваат дека ова е сериозен удар врз бизнисот, од Стопанската комора на северозападна Македонија додаваат, како пријателска држава на САД Владата треба да превземе мерки.
„Меѓутоа сепак ќе има еден негативен раст за извозот понатака. Така да мислам дека раст од 30% во споредба со другите држави кои имаат по 10 проценти е преголем и мислам дека ќе биде голем товар за производството и извозот за САД. Мислам дека тука треба нашата Влада да превземе мерки, да се отстратан овие или најмалку да се намалат овој процент за извоз на роба од Македонија“, рече Менди Ќира, Стопанска комора на северозападна Македонија.
Од регионот, Србија е погодена со највисока стапка од 37,2 а Босна и Херцеговина со 35%, а Косово и Албанија со по 10%.
Инаку според податоците од Државниот завод за статистика, размената на Македонија со САД лани изнесувала над 315 милиони долари. Притоа извозот од Македонија во САД достигнал 118,2 милиони долари.
Државен завод за статистика:
„Извозот од Македонија во САД лани достигнал118,2 милиони долари, што е за 2,2 пати (220 насто) повеќе од претходната 2023 година кога бил 53,6 милиони долари. Истовремено, лани од САД билеувезени производи за 195,9 милиони долари, за26,6 отсто помалку од 2023 година кога увозот воМакедонија од САД бил 267 милиони долари.“
Економските аналитичари , велатдека, мерките на претседателот Трамп биле очекувани, но според нив колку што ќе бидат погодени економиите, односно извозниците од другите земји, не помалку ќе бидат погодени и амеркианските компании, поради фактот што голем дел од нив увезуваат суровини за преработка.
„Сметам дека генерално трговската размена со САД ќе биде на исто ниво, поради фактот што немаме некоја хајтек индустрија развиена или пак некоја друга поголема индустрија со што сме застапени во Американскиот пазар. Индиректтен импакт секако ќе има, поради фактот од увезување на суровини кои што може преку различни земји од САД, преку европски земји и компании, па може наши компании директно да ги увезуваат од таму.Од тоа ќе влијае во да кажам финалниот производ кои што може да се произведува тука“, вели Арбен Халили, економски аналитичар.
Надлежните се надеваат дека овие мерки ќе бидат краткотрајни, бидејќи ќе има дестабилизација на пазарот, не само во Македонија и Европа туку и пошироко. кинеските медиуми царините на Трамп ги опшиаа како насилство кое им штети на сите па и на Соединетите Американски Држави.
Ангел Димовски
