И покрај ветувањата на Владата, случајот „Алфа“ за убиството на полицаец кај ПМФ останува нерешен
Нема никакви чекори за решавање на случајот „Алфа“, за кој Реџаил Ќерими од кумановското село Опае веќе 13 години издржува доживотна казна затвор. Апелациониот суд препорача предметот да биде вратен на повторно судење, но второстепеното мислење и понатаму го игнорира Кривичниот совет на Основниот суд. Одбраната исто така побара појаснување на снимката објавена пред неколку години, но нивното барање не се зема предвид со образложение дека државата нема технички можности да открие такви материјални докази. Бирото за правно вештачење не издаде никакво мислење, додека Судот, врз основа на својата службена должност, се обрати и до МВР. Барањето на одбраната ја вклучува повеќе анализи кои го верификуваат предметот на студијата преку ДНК, споредувајќи ги елементите на студијата и прилагодувајќи ги околните објекти. Повторното судење за случајот „Алфа“ го актуализираше вицепремиерот за политички систем, Артан Груби.
„Ние во политички договор со нашиот партнер СДСМ разгледуваме случаи кои предизвикаа недоверба кон судството како што се случајот Сопот, Алфа, Алмир, Монструм и Дива населба“, изјави Артан Груби, вицепремиер за политички систем.
Сега пак, Груби нè упати одговори да бараме во Министерството за правда. Оттаму денеска немаше одговор дали ќе се исполни ветувањето на Владата и дали се спроведува програмата за расчистување на сомневањата за монтирани случаи, како што е предвидено во владината програма за овој мандат.
Програма на Владата:
„Владата ќе се посвети на откривање на настаните во Куманово во 2015 година, пронаоѓање на иницијаторите и позадината на целиот настан. Исто така, ќе побараме меѓународна помош во истрагата за да ги обезбедиме сите релевантни информации. Ресорното министерство ќе обезбеди логичка помош во постапките во случаите Сопот, Бродец, Смртта на Мартин Нешковски, Никола Младенов и Монструм.“
Во Министерството за правда се наоѓа и нацрт-законот кој предвидува разјаснување на над 50 монтирани случаи, но тој сè уште не добил мислење и работните групи не ги ни анализирале. Алсат дознава за одредба заснована на „вонреден правен лек“ што отвора пат за монтираните случаи да бидат претставени во Врховниот суд, а потоа и во Стразбур. Веќе неколку години, политичките партии му ветуваат на семејството Ќерими дека ќе го реши случајот и оти ќе го ослободат Реџаил. Дури и на последните парламентарни избори, СДСМ го отвори првиот изборен штаб во селото Опае, каде што беше присутен и премиерот Заев кој вети дека ќе го реши случајот „Алфа“ заедно со други политички монтирани случаи.
Адрија Керими
