Иако требаше да ги отвори вратите во 2023 година, градинката во Општина Теарце сè уште не може да се стави во функција
Иако требаше да ги отвори вратите во 2023 година, градинката во Општина Теарце сè уште не може да се стави во функција
Оваа градинка во село Теарца требаше да биде завршена уште во 2023 година, но одложувањето се должи на некои концесии во изградба и давањето дозвола од страна на Министерството за започнување со работа на оваа градинка.
Градинката започна со изградба во 2021 година и требаше да биде пуштена во употреба во 2023 година.
Но, поминаа две години а градинката сè уште е затворена. Иако работите се завршени, градинката не може да почне со работа, бидејќи Општина Теарце ги нема спроведено постапките за нејзино основање, ниту за потребните вработувања.
„Сега сме во фаза на подготовка на документацијата и доставен е Централниот регистар, а по извршената регистрација во регистарот на објектот, ќе ги подготвиме потребните документи како статут и други органи предвидени со Законот за основање на оваа институција“, рече Мерита Елмази, директорка на Градинката во Теарце.
Министерот за социјална политика, Фатмир Лимани, вели дека за доцнењето е виновна општината.
„Од нив зависи, јас им давам дозвола за отворање, тие ја имаат таа дозвола и сега зависи од нив. Дозволата ја добиле пред една или две недели. Сега на тој ден што ја даваме дозволата, на тој ден ќе може да се реализира, зависи колку се тие подготвени“, рече Фатмир Лимани, министер за социјална политика.
Градинката во Теарце е изградена со средства на Европската Унија, во износ од над 800.000 евра и има капацитет за згрижување на околу 150 деца./Алсат.мк
Башким Сулејмани
