Илегални трговци ги узурпираа улиците и тротоарите во Скопје
Нелегалните трговци кои држат и продаваат стока во кутии и тезги на улиците на градот, се зголемуваат секој ден. Релевантни институции, иако свесни за овој феномен, ја префрлаат вината едни на други. Од општина Чаир, градоначалникот Висар Ганиу, вели дека нема доволно надлежности да ги отстрани. Додава дека без присуство на Државниот пазарен инспекторат и без присуство на полицијата, Општинскиот инспекторат не може да ја заплени стоката на илегалните трговци.
„Има неколку месеци, можеби една година, како пазарниот инспекторат не одговара на нашите повици, и кога тие не се појавуваат на местото на настанот, немаме шанса да ја собере стоката, бидејќи само пазарниот инспекторат има право да ја направи оваа евиденција“, вели Висар Ганиу, градоначалник на Чаир.
Ганиу додава дека тие немаат ниту точна слика за видот и бројот на незаконски трговски активности што работат во општина Чаир. Од оваа причина, бара Државниот пазарен инспекторат да ги пренесе надлежностите на локалните инспектори што е можно поскоро. Од Државниот пазарен инспекторат велат дека нивното непостапување се должи на малиот број инспектори што ги имаат.
„Пазарниот инспекторат, спроведува над 40 закони, има многу надлежности, така што не можеме секогаш да одговариме на барањата на општините. Ова е затоа што немаме луѓе, немаме инспектори. Бројот на инспектори во пазарниот инспекторат од подрачната единица во Скопје е нешто помалку од 20 инспектори. Тоа значи дека во рамките на нашите можности ги решаваме барањата на општините. Ние секогаш имаме барања до Владата за зголемување на инспекторите“, вели Џелал Максути, пазарен инспекторат.
Од Министерството за внатрешни работи велат дека тие се подготвени да одговорат на барањата на општините и Државниот пазарен инспекторат, полицијата да биде присутна при акциите за отстранување на илегалните трговци.
Мефаил Исмаили
