Инаугурацијата на новоизбраниот американски претседател Доналд Трамп се одржa денеска во Капитол, во затворен простор за прв пат по 40 години поради студеното време
Инаугурацијата на новоизбраниот американски претседател Доналд Трамп се одржa денеска во Капитол, во затворен простор за прв пат по 40 години поради студеното време
Новоизбраниот претседател Доналд Трамп денеска официјално ја презеде функцијата. Трамп започна со традиционалната молитва во црквата „Свети Јован“ а потоа се упати во Капитол. Неговата церемонија беше преместена внатре бидејќи температурите се многу ниски, што го прави најстудениот ден на инаугурацијата во последните 40 години.
Просторот внатре каде што се одржа инаугурацијата има капацитет за само 600 луѓе. Повеќе од 250.000 луѓе добија билети за следење на инаугурацијата од просторите околу Капитол.
Вчера, новоизбраниот претседател одржа приватна вечера пред инаугурацијата на која беа поканети многу познати и важни личности.
„Во рок од неколку часа по преземањето на функцијата, ќе потпишам десетици извршни наредби, поточно приближно 100. Нема да губиме ни момент во исполнувањето на нашите ветувања кон народот. Брзо ќе ја надминеме инфлациската криза и ќе го отклучиме течното злато“, рече Доналд Трамп, новоизбраниот претседател на САД.
Уставот на САД предвидува мандатот на секој нов претседател да почне на 20 јануари точно напладне, по локално време во Вашингтон. За обезбедување на церемонијата беа ангажирани околу 25.000 луѓе. Со 78 години и седум месеци, Трамп е најстариот инаугуриран претседател во американската историја./Алсат.мк
Фатлуме Дервиши
