Инспекторатот за употреба на јазиците, кој влезе во бојкот откако вработените не ги примиле платите 4 месеци, може да се врати во нормала само ако се направат законски измени
Инспекторатот за употреба на јазиците, кој влезе во бојкот откако вработените не ги примиле платите 4 месеци, може да се врати во нормала само ако се направат законски измени
Освен ветувањата од политичките функционери за решавање на проблемот со вработените во Инспекторатот за употреба на јазиците кои се без плати четири месеци, во моментов не се преземаат никакви конкретни чекори. Всушност, Инспекторатот може да се врати во нормала само ако се преземат законски интервенции бидејќи проблемот беше предизвикан во декември минатата година кога Собранието ги одобри измените на Законот за инспекциски надзор.
Во овој случај, на Инспекторатот му беше одземен правниот статус иако тој е загарантиран со посебни членови во Законот за употреба на јазиците и Законот за Инспекторатот за употреба на јазиците. Министерството за правда го зеде буџетот, но не им исплаќа плати на вработените во Инспекторатот, со образложение дека Министерството за финансии не дава согласност сè додека не се усогласат законите, бидејќи Инспекторатот има правен статус според два закона, додека според друг нема. Но, не е познато кога законските измени ќе бидат готови.
Поради недостатокот на плати, Алсат вчера објави дека во Инспекторат започнал бојкот. Вработените исто така останаа без пензиско осигурување, а уште потрагично, без здравствено осигурување. Поради оваа причина, во овој период, вработените биле принудени приватно да плаќаат за сите болнички услуги. Судбината на Инспекторатот во моментов е на раскрсница.
Небрежноста на државата кон оваа клучна институција за заштита на почитувањето на албанскиот јазик во институциите го достигна својот врв. Инспекторатот моментално е нефункционален, во полна смисла на зборот. Ситуацијата стана алармантна до тој степен што Инспекторатот нема ниту хартија ниту мастило за извршување на основните задачи. Дополнително, од септември минатата година, канцелариите на Инспекторатот се преполовени, од 6 на 3. Да не зборуваме дека државата со години го игнорира скромното барање на инспекторите за службено возило, нешто што би било незамисливо да се случи во кој било друг инспекторат. Досега, теренските инспекции се спроведуваат со користење на приватни возила и трошоци./Алсат.мк
Суад Бајрами
