Исени: Руско-украинскиот конфликт ќе се реши со договор
Универзитетскиот професор, Фати Исени, вели дека руско-украинскиот конфликт ќе заврши со конкретен договор. Својата оценка Исени ја темели на подготвеноста на претседателот на Украина, Зеленски за разговори. Според Исени, Украина е подготвена да се повлече од кампот на НАТО, а НАТО да не инсистира на членство на Украина и Грузија во нејзините структури.
„Мислам дека тоа конечно ќе се расчисти со траен договор. И јас сум убеден дека НАТО и САД, заедно со ЕУ, повеќе нема да се судираат со Русија и дека следната страница ќе биде Кина. Затоа што со Русија договорот е блиску. Погледнете ја првата изјава дадена од Зеленски, од првиот ден на инвазијата, тој рече дека сме подготвени да разговараме за неутралност, така што ова е позитивен сигнал дека за нив Украина е подготвена да се повлече од кампот на НАТО, а НАТО да направи чекор назад и да не инсистира Украина и Грузија да бидат членки на НАТО. Да се направи следниот договор целиот појас што ја опкружува федерална Русија да не биде директно членка на НАТО и мислам дека со овој ризик од нуклеарна војна, компромисот ќе биде тоа. Некаква форма на повлекување од Украина, но не и од Крим, за да се затвори овој судир на Европа, САД и Руската Федерација“, вели Исени.
