Истражување – пајажината со бизниси кои се вртат околу Али Ахмети
Телевизија Телма во рамките на емисијата Код ја откри мрежата на бизниси поврзани со семејството на лидерот на ДУИ, Али Ахмети. Градежни и енергетски компании, удели во фабрики. По купувањето на трговскиот центар Соравија од страна на внукот на Ахмети, Дрин Ахмети, Код ја откри мрежата на фирми во вредност од повеќе милиони евра на зетот на Ахмети, Куштрим Смајлај, вклучувајќи ги и пријателите на синот на Ахмети, Шкумбин Ахмети.
Според КОД, компанијата АС Сењак е во сопственост на Селаудин Арифи, татко на свршеницата на Шкумбин Ахмети.
Во оваа компанија, пред Дрин Ахмети да ја купи Соравија, тој внел пари преку новоотворената фирма Тхор, која заедно со фирмите во конзорциумот го купиле трговскиот центар во срцето на Скопје.
Салаудин Арифи, локален бизнисмен кој поседува неколку продавници за храна и пијалаци во Кичево е сопственик на компанијата АС Сењак, основана пред неколку години со адреса во Кичево. Минатата година, НОВА АГРО ИНВЕСТ СКОПЈЕ беше основана на негово име. Оваа компанија во јули минатата година откупила близу 10 проценти од акциите во комбинатот Пелагонија АД Битола.
Поради фактот што две други компании Пелагонија енерџи и Здравје Радово се во сопственост на комбинатот, Арифи излегува дека има сопственички удели и во овие две фирми. Тој, исто така, купи 18 проценти од акциите во познатата фабрика за чоколада во Скопје, ЕВРОПА, во 2013 година.
Во мај 2021 година АС СЕЊАК од дедото на Шкумбин Ахмети купил 9 проценти од акциите во ЖИТО ПОЛОГ Тетово. Преку јавните набавки може да се забележи дека компанијата АС СЕЊАК, има добиено неколку тендери во различни општини за мали градби како во Кичево, Прилеп, Дебар, Македонски Брод, Кривогаштани итн.
Во септември 2020 година АС СЕЊАК добила тендери во вредност од половина милион евра за реконструкција на патишта во Општина Кичево. Во мај наредната година добила и тендери во вредност од над половина милион евра за изградба на училиште, а обезбедила и тендери со помали вредности за поправка на локални патишта во Кичево.
КОД исто така, истражил како автомобилот Ролс-Ројс Фантом вреден половина милион евра завршил од синот на поранешниот пратеник Хамди Бајрам, во сопственост на братот на Салаудин Арифи, Љуљзим Арифи, сопственик на компанијата Дукла.
Според истражувањето, фирмите во сопственост на семејството Ахмети се наоѓаат во исти објекти и адреси како и фирмите на пратеникот на ДУИ Исмаил Јахоски во Скопје и не само таму.
Адријан Керими
