ВЕСТИСВЕТ
Избори во Германија – Извесно само заминувањето на Ангела Меркел
Германците не го избираат директно шефот на владата, туку гласаат за пратениците кои ќе изберат нов канцелар во Бундестагот - достоен наследник на Ангела Меркел, најмоќната жена во светот со години и симбол на стабилност во Германија и Европа.
Во недела во Германија се одржуваат парламентарни избори, чиј исход се смета за крајно неизвесен, а единственото нешто што е сигурно е дека Ангела Меркел повеќе нема да биде канцелар по 16 години.
Конзервативната Христијанско-демократска унија (ЦДУ) на Меркел ја предводеше Германија во претходните четири мандати, но последните анкети за јавното мислење покажуваат дека сега може да победат партиите од левиот центар.
