Изет Меџити: „ДУИ и Артан Груби фокусирани на казина и обложувалници“
Лидерот на Демократското движење Изет Меџити во интервју за ТВ Коха изјави дека 30 години колку што постојат албанските партии во земјава, ниту една никогаш не го таргетирала директорско, ниту заменичкото место на Лотарија на Македонија.
„Владата на Груби, меѓу првите позиции што ги зеде е директор на Лотарија на Македонија и направи сериозни прекршувања на законот. Отворија онлајн лотарија, втора лотарија без да поминат во Владата и Парламентот, а за жал и граѓаните можат да забележи со своиочи колку многу се намножија обложувалниците и казината. Во Косово и Албанија се затвораат, а кај нас секој ден сè повеќе се отвораат“, вели Меџити.
Според него, патот Скопје – Блаце, ДУИ го претворила во улица на казината, а од оваа појава најмногу биле погодени Тетово и Гостивар.
