Изет Меџити вели дека коридорот 8 е важен, а критиките на опозицијата ги нарече бескорисни
Изет Меџити вели дека коридорот 8 е важен, а критиките на опозицијата ги нарече бескорисни
Првиот вицепремиер Изет Меџити вели дека коридорот 8 е важен, а критиките на опозицијата ги нарече бескорисни, дури потенцира дека тоа ќе се докаже со интензивната работа на терен. Меџити вели дека има многу неправилности и индиции за корупција на патот Скопје-Блаце.
„Коридорот 8 е многу важен коридор за Република Северна Македонија. Има некои гласови од опозицијата затоа што веќе осум години се навикнати многу да зборуваат и да не прават ништо. Видовме дека направија само два километри кои не завршуваат никаде, зборувам за патот Скопје-Блаце, во тие два километри има многу неправилности, има многу индиции за корупција, за откуп на земјишта. Така, додека тие разговараат, ние работиме и ве известувам дека утре заедно со премиерот, министерот за транспорт, претставници од компанијата Бехтел-Енка ќе бидеме на терен на почетокот на интензивната работа на коридорот 8. Додека другите зборуваат, ние работиме”, рече Изет Меџити, прв вицепремиер.
