Изет Зеќири од денеска е ректор на Универзитетот „Мајка Тереза“ во Скопје
Изет Зеќири од денеска и официјално е ректор на Универзитетот „Мајка Тереза“ во Скопје. Тој рече дека изградбата на универзитетскиот објект и студентските услови ќе бидат во фокусот на неговите заложби.
“Како ректор ефективно и ефикасно ќе управувам да се формира елитен универзитет во центарот на Скопје. Ќе работам напорно на подобрување на условите за студирање, особено во градежната инфраструктура, создавање услови за студентите, во управувањето, квалитетот на Универзитетот, квалитетот на студирање, квалитетот на администрацијата, квалитетот на услуги, ќе работиме на унапредување, иновација и воздигнување на постоечките студиски програми, но зошто да не и акредитација на нови програми според потребите и барањата на пазарот на трудот“, Изет Зеќири, ректор на УНТ. /Алсат.мк
