Изменето обвинението против Трамп во случајот со поткопување на изборите

Специјалниот обвинител Џек Смит на 27 август поднесе ново обвинение против поранешниот американски претседател Доналд Трамп за напорите да го смени исходот од претседателските избори во 2020 година, пренесе агенцијата Ројтерс.

Advertisements

Изменетиот обвинителен акт ги содржи истите четири кривични пријави како и оригиналното обвинение, но ја зел предвид одлуката на Врховниот суд дека поранешните претседатели имаат широк имунитет од кривично гонење.

Во ова обвинение, како и во првобитното, Трамп е обвинет за заговор за да ја спречи потврдата на изборната победа на актуелниот претседател на САД, Џо Бајден.