Израел ја проширува својата копнена офанзива во пресрет на гласањето во Советот за безбедност на ОН

Израелските сили денеска посочија дека ја прошируваат својата копнена офанзива со нови напади врз централниот дел на Појасот Газа пред очекуваното гласање на Советот за безбедност на ОН за резолуцијата за зголемување на хуманитарната помош за Палестинците.

Advertisements

Во време кога се изјаловија надежите дека ќе се постигне договор за ново примирје на преговорите во Египет оваа недела низ палестинските територии продолжија нападите од воздух, артилерискиот оган и судирите.

Израелската армија денеска им нареди на жителите на Ал-Бурејџ во централниот дел на Газа веднаш да заминат на југ, навестувајќи дека тоа ќе биде во фокусот на нови напади по уништувањето на северот и многубројните упади на југот.