Јакимовски со критики за идеите за промена на Уставот

Кандидатот за претседател Стевчо Јакимовски вчеравечер на средба со граѓани во Кичево, истакна дека тој немал да преговара за македонскиот идентитет и јазик. Претходно во Гостивар, како што соопштија од неговиот штаб, Јакимовски упатил критики за предлозите на неговите противкандидати околу процесот на промена на Уставот, меѓу кои и предлогот за одложена примена на уставните измени.

Advertisements

„Претседателските кандидати бегаат од дебати. Тоа е голем срам за демократијата. Народот мора да ги слушне нивните ставови околу суштинските прашања за државата“, истакнал Јакимовски.

Тој потенцирал дека најголема мака во државата во моментов е иселувањето, за кое вели дека се случува поради лоши политики на досегашните владеjачки гарнитури./Алсат.мк