Јанески: Правната несигурност создава неповолна клима за бизнисот

Според директорот во Макстил, Петар Јанески, правната несигурност и апсурдностите со кои би можело да се сретнат инвеститорите има мошне неповолно влијание врз бизнисот и може да ги доведе до момент на одлука да ја напуштат државата.

„Сите вакви апсурди, со коишто се соочуваме секој ден, многу негативно влијаат на стопанството. Се појавува парадокс каде што треба да размислуваат дали да го одржат бизнисот, од аспект на инвестиции или да гледаат што може да спасат, да си ги соберат парталите и да си одат“, вели Јанески.