Каде е албанскиот јазик на полициските униформи?
Власта сè уште молчи за позитивното мислење на Секретаријатот за законодавство за барањето на МВР, за употреба на албанскиот јазик на полициските униформи и амблеми. Од извршниот орган велат дека два дена го чекаат одговорот на институциите од кои побарале информации, но не прецизираат ништо повеќе.
Останува нејасно како две години позитивното мислење не било официјализирано во уредбата, со која ќе се овозможи употреба на албанскиот јазик на полициските униформи каде најмалку 20 отсто од граѓаните зборуваат јазик различен од македонскиот, а тоа е албанскиот.
Минатата недела Алсат ексклузивно го објави мислењето на Секретаријатот за законодавство доставено на 12 август 2020 година до МВР, кое мора да биде донесено како уредба до Владата, а потоа да биде одобрено од министерот за внатрешни работи.
Иако позитивното мислење се повикува на Законот за употреба на јазиците, тој не се спроведува од неговото донесување. Одредбите ја дефинираат употребата на албанскиот јазик во однос на униформите на безбедносните сили.
Закон за Употреба на Јазиците, Член 8, став 3:
„Униформите на полицијата, пожарникарите, на здравствените работници во Скопје и во општините каде најмалку 20% од граѓаните зборуваат службен јазик различен од македонскиот, се напишани на македонски и неговата кирилска азбука, како и на јазикот што го зборуваат најмалку 20% од граѓаните во Република Македонија и нејзината азбука.”
По донесувањето на Законот, Владата го испрати до Венецијанската комисија за да провери дали одредени одредби се во спротивност со Уставот на државата. Комисијата одлучи дека употребата на албанскиот јазик на монетите и униформи не е во спротивност со Уставот и оти може да се спроведува во согласност со член 8.
Во 2020 година, кога до Владата беа доставени нормативните акти за употреба на албанскиот јазик на полициските униформи, беше констатирано дека одлуката сè уште не е ставена на дневен ред без да се дадат повеќе детали. Четири години по стапувањето во сила на Законот за употреба на јазиците, тој освен на униформите на шумската полиција, не се применува во униформите на која било друг безбедносен орган, вклучително и полицијата, армијата, царината и другите единици во градот Скопје и општините каде најмалку 20 отсто од граѓаните зборуваат албански.
Адријан Керими
