Како ќе функционира плаќањето на казни со безбедносните камери

До крајот на април се очекува до Собранието да бидат доставени предлог-измените на законите кои се однесуваат на безбедноста во сообраќајот, додека примената на системот „Безбеден град“ се планира да започне од 1 јануари 2026 година. Министерот за внатрешни работи Панче Тошковски рече дека за да стапат во функција сообраќајните камери мора да се изменат најмалку 5 закони.

Advertisements

Но, како се очекува да функционира системот „Безбеден град“? Бројот на регистарската табличка е поврзан со сопственикот на автомобилот, а во случај на прекршок се прави записник со парична казна за сопственикот, додека прекршокот се документира со фотографии. Извештајот се испраќа како известување преку СМС порака или адреса на е-пошта до сопственикот на возилото.

Внатре има линк, до извештајот со налог за наплата на прекршокот и фотографија со која се документира повредата. По поднесувањето на првото, второто известување се доставува во рок од 24 часа, додека рокот за прием на документите е 8 дена. Доколку лицето не ги отвори документите од линкот во предвидениот рок, поднесувањето се смета за редовно и автоматски започнува рокот од 8 дена за плаќање на половина од казната или поведување судска постапка. По истекот на рокот од 8 дена, доколку казната не е платена или лицето не поведе судска постапка, може да следува извршна наплата а прекршочниот платен налог се доставува до Управата за јавни приходи.

Доколку сторителот го признае прекршокот, има рок од 8 дена да плати половина од казната без никакви процедурални трошоци. Ако пак признае дека сторил прекршок, но не ја плати казната во рок од 8 дена, тогаш ќе мора да ја плати целата казна без трошоци за постапката. Во случај да не прифати одговорност, има право во рок од 8 дена да ги достави до надлежниот суд списите што ги добил преку известувањето, што би послужило како барање за поведување на прекршочната постапка. За повторени прекршоци, се предлага Судот да изрече казна престанок на важноста на возачката дозвола. Тоа се случува доколку возачот има две забрани за возење од одредена категорија во период од 4 години. Но, како ќе изгледаат сообраќајните прекршоци? Експертите предлагаат пречекорувањето на дозволената брзина за 50 километри на час да биде кривично дело. Возење под дејство на алкохол, употреба на наркотици, возење во погрешна насока на булевар или автопат и возење без возачка дозвола исто така треба да бидат кривични дела. За кривичното дело „несовесно возење“ ќе има затворска и парична казна, како и задолжителна забрана за возење. Ќе се разгледува и можноста за одземање на возило доколку некое лице нема возачка дозвола./Алсат.мк

Ајнур Бафќари