Какво време нѐ очекува на Новогодишната ноќ и деновите потоа
Магла или ниска облачност ќе има утре претпладне по одделни котлини и вдолж Повардарието, а преку денот ќе биде сончево со мала до умерена облачност. Ќе дува слаб ветер од северозападен правец.
Во Скопје претпладне ќе има појава на магла или ниска облачност, а преку денот ќе биде претежно сончево и тивко.
Од Управата за хидрометеоролошки работи (УХМР), информираат дека продолжува периодот на стабилно и претежно тивко време со релативно високи дневни температури. По котлините ќе има појава на магла или ниска облачност со променлив интензитет и пониски дневни температури. Особено топло ќе биде на повисоките места за време на викендот и во почетокот на следната седмица.
За време на новогодишната ноќ времето ќе биде претежно ведро и тивко, а по котлините ќе има појава на магла или ниска облачност.
Од недела до четврток минималната температура ќе се движи од -4 до 6 степени, а максималната од 8 до 18 степени.
