Канзас Сити и Сан Франциско ќе игра на Супербоулот во Лас Вегас

Актуелниот шампион на НФЛ лигата, Канзас Сити и Сан Франциско се пласираа на Супербоулот кој оваа година на 11. февруари ќе се одржи во Лас Вегас.

Advertisements

Канзас Сити до најголемиот спектакл во овој спорт стигна славејќи во финалето на Американската фудбалска конференција против Балтимор со 17-10, додека Сан Франциско во Националната фудбалска конференција забележа победа над Детроит со 34-31.

За Канзас Сити тоа е четврт пласман на Супербоулот во последните пет години, а овој натпревар воедно ќе претставува и реванш на битката за трофејот Винс Ломпарди од 2020 година.