Во рамки на акциската контрола на територијата на земјава за санкционирање возила кои се движат со брзина поголема од дозволената, санкционирани се 306 возачи.
Advertisements
Од нив, како што информираат од МВР, 13 возачи управувале со возилата со брзина над 50 километри на час повеќе од дозволеното, а еден со дури над 70 километри на час повеќе од дозволената брзина. Притоа, 173 возачи ја пречекориле брзината во населено место, а 133 надвор од населено место.
Од МВР најавуваат дека сообраќајните контроли продолжуваат и во наредните денови. Апелират до сите учесници во сообраќајот да ги почитуваат сообраќајните правила и прописи за заеднички придонес за побезбедни патишта.
