Казни за маркетите кои не ги намалија цените
Државниот пазарен инспекторат констатирал прекршок за непочитување на одлуката на Владата за утврдување на маржата за 73 производи од есенската кошничка. Според инспекторатот, трговците не си ја сфатиле сериозно работата и не ги намалувале цените на производите. Непочитувањето на одлуката ќе резултира со казни за трговците, кои се движат од 2.000 до 10.000 евра, а не е исклучено и затворање на трговските објекти.
Од СДСМ обвинуваат дека задоцнетите владини мерки немаат ефект.
На терен во повеќе градови има околу 120 инспектори. И граѓаните забележаа дека поевтинување речиси и да нема и не се задоволни. Велат дека пред да се ограничи маржата цените веќе се зголемени и сега воопшто не се забележува дека има намалување. Ограничената маржа ќе важи до крајот на октомври.
Линда Ебиби
