Кирјос се откажа од Австралија Опен, поради повреда

Самиот старт на Австралија Опен донесе уште еден проблем за организаторите, откако најдобриот домашен тенисер, Ник Кирјос, го откажа настапот на првиот гранслем годинава.

Advertisements

Австралиецот подолго време влече незгодна повреда на медијалниот менискус, се обидуваше да се рехабилитира, но на крајот реши да не ризикува да се случи нешто посериозно, туку веднаш, веќе во текот на оваа седмица, да замине на артроскопија на коленото.

„Лош тајминг, но тоа е животот, повредите се составен дел од спортот. Тешко ми е, нормално, ова е мојот домашен турнир, бев меѓу фаворитите. Чувството во моментов е брутално“, изјави Кирјос./Ekipa.mk/