Колегите се збогуваат од Сатерленд: „Тој беше еден од најинтелигентните актери“

Познатиот актер Доналд Сатерленд почина на 88-годишна возраст во Мајами, по долга борба со болеста. Беше еден од најпознатите актери на сите времиња. Во 60-годишната кариера се појави во 190 филмови серии.

„Така тажна вест. Го обожававме“, напиша ѕвездата на „Сексот и градот“, Ким Катрал.

Актерката Рејчел Зеглер, која работеше со Сатерленд на „Игри на гладта“, ја сподели веста за неговата смрт со емоџи со скршено срце.

„Толку сум благодарен што го познавав и работев со него“, напиша актерот Кери Елвс.

Доналд Сатерленд е добитник на два Златни глобуси за најдобра споредна машка улога – во филмовите „Граѓанинот Икс“ и „Патот до војната“. Во 2017 година се закити со почесен Оскар. Успешно пливаше во сите жанрови и се истакна во сите улоги.

Роден во Канада во 1935 година, каде студирал драма на Универзитетот во Торонто, но во 1957 година се преселил во Лондон каде што се приклучил на класата по глума на Лондонската академија за музика и драмска уметност. Кариерата ја започна играјќи мали улоги во британските телевизиски серии, полека придвижувајќи се кон се повеќе познати и сериозни филмови. Вратата на славата му ја отвори воениот акционен филм „Дванаесетмината жигосани“, а забележителни улоги имаше во M*A*S*H и „Gold for the Brave“, во поново време глумеше во американската телевизиска серија „Валкани секси пари“, како и во франшизата „Игри на гладта“.

Од средината на 80-тите започна неговиот подем во кариерата кој траеше практично до неговите последни денови, покривајќи широк спектар на жанрови и улоги, снимал сè – од психолошки ужаси до трилери и научна фантастика до сериозни драми и дистописки филмови.