Командант на Хезболах е убиен во израелски напад во јужен Либан

Високиот командант на либанската вооружена група Хезболах, Абу Али Насер е убиен денеска во израелски напад во близина на градот Тир на југот на Либан.

Advertisements

Али Насер е одговорен за некои од операциите на Хезболах долж границата, каде што групата разменува оган со израелската армија од октомври, изјавија два извори за Ројтерс.

Тие рекоа дека Али Насер е од ист ранг и важност за групата како Талеб Абдала, кој беше убиен во израелски напад во јуни и беше највисокиот командант на Хезболах убиен од израелската војска во изминатите осум месеци.

Како одмазда за убиството на Абдулах, Хезболах лансираше најголем број беспилотни летала и ракети.