Комисијата за заразни болести ќе разгледува нови рестрикции за невакцинираните
Комисијата за заразни болести на денешниот состанок ќе разгледува нови мерки за спречување на ковид-19. Ова вчера го најави министерот за здавство Венко Филипче, наведувајќи дека новите рестрикции ќе се однесуваат на невакцинираните, бидејќи тие, како што рече, најмногу ги оптоваруваат болниците.
„Болничкиот систем сега најмногу го оптоваруваат невакцинираните пациенти. Тоа дефинитивно не смееме да го толерираме понатаму. Доаѓа зимска сезона и време на настинки и други пациенти ќе го оптоваруваат дополнително болничкиот систем. Во услови кога има доволно вакцини, апсолутно не е дозволиво граѓаните да не се вакцинираат. Со вакцинирањето не само што водат сметка за своето здравје, туку и за здравствениот систем. Ние не можеме бесконечно долго да оставиме вака да биде преоптоварен здравствениот систем“, изјави Филипче.
