Кошаркарите на Лос Анџелес Лејкерс славеа против Атланта Хокс (87-86), со најдобрата партија на Брони Џејмс досега. Лејкерси ја прекинаа серијата од пет порази во Летната лига (1-5). Двапати беа поразени во Сан Франциско, а потоа на три натпревари во Лас Вегас. И на оваа средба сите погледи беа вперени во Брони, синот на Леброн, 55-тиот пик на годинешниот драфт.
Младиот кошаркар многу се мачеше во воведните натпревари, но во првата победа во кариерата во ова натпреварување беше сосема солиден. Натпреварот го заврши со 12 поени, а во важен момент погоди и тројка.
„Се чувствувам како да го знам вистинскиот начин на игра. Моите родители навистина ми помагаат, ме туркаат да бидам сконцентриран. Татко ми само ви вели да останам агресивен”, изјави Брони.
Леброн и останатите ѕвезди на Соединетите Американски Држави моментално се во Абу Даби на подготовки за ЛОИ во Париз.
