Конфискација на имот за сè сомнително над 50.000 евра
![](https://alsat.mk/mk/wp-content/uploads/2020/10/sudstvo-pravda-780x470.png)
Законот за конфискација на имот во граѓанска постапка влезе во фаза на јавна расправа. Законските одредби предвидуваат конфискација на неоправдани средства, поточно имот стекнат со корупција и посериозни кривични дела. Укажувањето ќе може да се изврши и анонимно до надлежните институции, додека конфискацијата мора да биде потврдена со пресуда. Границата која ќе се зема како основ за постапување кон конфискација е 50.000 евра.
Обвинителот Гаврил Бубевски рече дека со донесувањето на овој закон ќе се пополни празнината која досега им ги држеше врзани рацете на органите за кривично гонење и спречување корупција поради неможноста да се докаже изворот на богатството.
Во однос на содржината на законот, мислење и помош е побарано и од Европската комисија. Од заедницата на експерти препорачуваат допрецизирање на одредбите преку кои може да се констатира дека предметниот имот е прибавен на незаконски начин.
Адриан Керими