Ковачевски: Се прават анализи за нови замрзнувања на цени

Премиерот Димитар Ковачевски најави можни нови замрзнувања на цените на некои основни прехранбени производи. Како што кажа тој, во тек се анализи во министерството за економија, а по завршување на сите пресметки ќе биде информирана и јавноста.

Advertisements

„Во министерството за економија се прават анализи во однос на цени и на други основни прехранбени производи, така што во блиска иднина може да следува замрзнување на цените и на други производи, коишто се сметаат за основни прехранбени производи, но за тоа не би сакал да навлегувам во детали додека не бидат направени калкулациите. Кога ќе се направат, веднаш ќе бидете информирани“, рече Ковачевски.