Ковачевски: Заедно ќе работиме на европската агенда
Ако 2023 година беше година на нови можности, очекувам 2024 да биде година на остварување на европерспективите, година во која сите заедно ќе работиме на исполнување на европската агенда, на исполнување на нашата втора, долгоочекувана цел по нашето членство во НАТО, а тоа е зачленувањето во ЕУ, порачува премиерот Ковачевски во новогодишната честитка до граѓаните.
Како што наведува Ковачевски, во новата година влегуваме со нови можности и нови планови за уште поголеми достигнувања.
-Граѓаните се пред сè и над сè! И во новата година ќе продолжиме да работиме напорно за уште повисоки плати и пензии, продолжуваме со поддршка на учениците, студентите, пензионерите, најранливите, но и бизнис секторот. Нема да дозволиме никој да биде оставен сам да се справува со предизвиците, истакнува премиерот.
