Ковачки: Aјде Заев на избори

Зоран Заев ја заглави државата во систематска криза – енергетска, здравствена и економска, обвини на денешната прес-конференција Драган Ковачки, член на ИК на ВМРО-ДПМНЕ.

Advertisements

Како што рече тој, Заев и Владата се причината за сите неуспеси што ни се случуваат изминативе години и тие не може да бидат решение.

„7.000 луѓе починаа од Ковид-19, имаме најголема смртност во Европа, 14 луѓе живи ни изгореа, вакцини немавме, над 60.000 луѓе останаа без работа, 5.600 фирми ставија клуч на врата, Македонија е на врвот на листата по перцепција за корупција на ‘Транспаренси’. Државата тоне со СДСМ“, нагласи Ковачки.