Кривичен совет ќе одлучува дали Зеќири ќе остане во притвор

Кривичен совет на Судот во Скопје треба да одлучи дали поранешниот генерален секретар на Владата, Мухамед Зеќири ќе остане во притвор. Адвокатот на Зеќири поднесе жалба до Судот за притворот по однос на трите основи – бегство, влијание врз сведоци и повторување на делото. Зеќири е осомничен во истрага на обвинителството за гонење на организиран криминал за проневера на државни пари. Тој е осомничен дека ја злоупотребил функцијата владин генерален секратар и наместо преку тендерска постапка избрал фирма во четири очи за консултантски услуги. Зеќири од петокот е во притворот во Шутка, кога и поднесе оставка. Владата на денешната седница за нов генерален секретар го назначи Методија Димовски.

Advertisements