Кривична пријава против двајцата поранешни директори на Фондот за иновации, Фестим Халили и Коста Петров

Основното јавно обвинителство поднесе кривични пријави против поранешните директори на Фондот за иновации и технолошки развој, Фестим Халили и Коста Петров. Двајцата се осомничени дека сториле кривично дело злоупотреба на службената положба и дека овозможиле незаконски исплати на грантови. Предметите се однесуваат на три сомнителни проекти како „Грин хојо“, „Фротирка АД Делчево“ и „Тајната на Римјаните – Пинса Романа“, при што финансиската штета надминува 23 милиони денари.

Advertisements

Поранешниот директор на Фондот, Фестим Халили, за Алсат ги отфрла како невистинити обвинувањата на Обвинителството. Тој вели дека додека бил директор, Фондот работел транспарентно и при секој повик, аплицирање и реализација на проекти, се почитувале сите процедури.

„Сите компании кои се пријавуваат, вклучувајќи ја и компанијата која се споменува, поминуваат низ процес на пред-селекција имплементиран од тројца локални експерти од 22 области на експертиза. Проектите се оценуваат според дефинираните критериуми каде како критериуми се земаат в предвид степенот на иновативност, квалитетот на подготвениот проект, пазарниот потенцијал, капацитетот на апликантот, како и влијанието на проектот врз општеството. Сите проекти кои добиваат просечна оценка 51 продолжуваат во следната фаза. Конечниот избор го дава заедницата за одобрување инвестиции“, рече Фестим Халили – Поранешен директор на ФИТР.

Се обидовме да го контактираме поранешниот директор Коста Петров, но без успех. Тој е обвинет за злоупотреба на службената положба во вториот случај, за проектот „Фротирка“. Ова е незавршен проект а исплатата е реализирана и немало реакција од Петров. Третиот случај се однесува на рецепт за пица, кој е претставен како стар околу 2000 години. Договорот е потпишан на 28.12.2021 година, преку грантот за новоосновани друштва.

Минатиот месец, актуелниот директор на ФИТР, Никола Додов, најави дека ќе поднесе кривични пријави бидејќи со години се апсорбирале средства за фирми блиски до поранешниот лидер на СДСМ, Зоран Заев и лидерот на ДУИ, Али Ахмети. Беа споменати околу 60 компании со чудни и сомнителни проекти./Алсат.мк

Зекирија Хаџиу