Кривична пријава за двајца инспектори и командир на Полициската станица Кочани за злоупотреби во врска со дискотеката „Пулс“

МВР поднесе Кривична пријава до ОЈО ГОКК за двајца инспектори и командир на Полициската станица Кочани за злоупотреби во врска со дискотеката „Пулс“ . Првопријавениот на позиција помлад инспектор-водич на безбедносен реон во Полициската станица Кочани и второпријавениот Г.Л., во време на извршување на кривичното дело на работно место инспектор за прифат-сменоводител, изготвиле записник за сторен прекршок – нарушување на јавен ред и мир за неактивно правно лице ДПТУ Класик ДМ ДОО и на одговорно лице Д.Ј, иако знаеле дека објектот е регистриран како кабаре ПУЛС со одговорно лице М.С. Со ова тие овозможиле имотна корист за правното лице ДПТУУ ММММ Кафе ДООЕЛ Кочани и одговорното лице Митко Стојанов. Третооријавениот пак А.Т, во тоа време командир одобрил и потпишал барање за поведување прекршочна постапка за нарушување на јавниот ред и мир против неактивен правен субјект. Сето ова се случувало во текот на 2023 година. Во пожарот во дискотеката пулс на 16 март загинаа 62 лица.

Advertisements