Кривична за надлежните кои дозволиле поликлиника да врши операции без лиценца, бара ВМРО-ДПМНЕ
Кривична одговорност за сите надлежни во власта кои дозволиле поликлиника да врши операции без лиценца, побара денеска опозициската ВМРО-ДПМНЕ.
Во партиското соопштение се додава:
„Со привидното тргање на Ирина Бухова од чело на ДСЗИ, не се завршува случајот со поликлиниката Промедика, која вршела операции без дозвола. Одговорност мора да има за сите надлежни.
Не само заминување од функција, туку и кривична одговорност за Бухова и за Филипче, кој како министер за здравство дозволил незаконие.
Додека народот ги плаќал Бухова и Филипче да се грижат за здравството, тие премолчувале работење без лиценца.
Со СДСМ во здравството, граѓаните не се сигурни за своето здравје, дури и откако ќе посетат здравствена установа. Одговорност мора да има, за никогаш да не се повтори здравството да биде водено од интереси на тесна клика луѓе“.
