Курц: Повторно „заклучување“ на државата
Австрија воведува целосно заклучување по втор пат. Слободата на движење е ограничена во текот на целиот ден.
Принудени сме да преземеме уште едно целосно „заклучување“ во следните две и пол недели со цел да избегнеме понатамошно драстично зголемување на бројот на нови пациенти и преоптоварување на единиците за интензивна нега, истакна попладнево австрискиот канцелар Себастијан Курц, најавувајќи дополнително засилување на мерките против ширењето на коронавирусот од вторник и ќе биде на сила до 6 декември.
Курц посочи дека, покрај веќе затворените хотелски и угостителски објекти, ќе бидат затворени и продавниците, со исклучок на продавниците за храна, аптеките, поштата и банките.
Тој исто така изјави дека затворени се сите продавници кои обезбедуваат услужни активности каде што не е можно да се почитува далечината, како што се фризерници, салони за убавина,…
Курц додаде дека училиштата ќе бидат затворени, односно дека учениците ќе учат од дома почнувајќи од вторник.
