Лафчиски ја презеде должноста началник на Генералштабот

Претседателката Гордана Сиљановска Давкова го назначи новиот началник на Генералштабот, генерал-мајор Сашко Лафчиски, и покрај реакции во јавноста на некои припадници на Армијата, дека тој не ги исполнува потребните законски услови. На Денот на Армијата кој се одбележа во Охрид и на кој присуствуваа највисоките државни челници, Лафчиски ја презеде функцијата од досегашниот началник Васко Ѓурчиновски.

Advertisements

„Пред него (пред вас) стојат големи задачи и предизвици. Тој/вие треба да учествува во одржувањето и унапредувањето на борбената способност, да продолжи со реформите, да ја зајакне меѓународната соработка и да инвестира во борбени и цивилни припадници на војската“, рече Гордана Сиљановска Давкова, претседател.

Во анонимното писмо што пред два дена го упатија професионални војници во Алсат, се наведува дека Лафчиски не ги исполнува условите за началник на Генералштабот, а неговото назначување е направено со цел да се заобиколи генералот Бесник Емини по професионални заслуги и законски услови.
Според информациите што стигнаа до Алсат, Лафчиски бил унапреден во генерал мајор еден ден пред да биде назначен од претседателката за началник на Генералштабот. Во неформални околности се дознава дека досега го немал и потребниот НАТО сертификат.

Вчера, од кабинетот на претседателката Сиљановска, соопштија дека назначувањето на Лафчиски е во согласност со законите./Алсат.мк

Фатлуме Дервиши