Лавров: Русија им предложи на САД да ги укинат санкциите за авиокомпанијата Аерофлот
Русија им предложи на САД да ги укинат санкциите за руската авиокомпанија Аерофлот, изјави денеска рускиот министер за надворешни работи Сергеј Лавров.
„Ние дадовме таков предлог пред споменатата средба во Ријад пред повеќе од еден месец. Американците го прифатија. Досега не видовме никакви реципрочни чекори“, рече тој.
Лавров истакна дека обновувањето на воздушниот сообраќај меѓу двете земји треба да биде последица на укинувањето на санкциите за Аерофлот, пренесува РИА Новости.
Тој истакна дека руските експерти потсетија на овој предлог за време на вториот круг консултации со САД во четвртокот во Истанбул.
„Искрено, сè уште не сум имал можност да контактирам со нив. Можеби има одреден напредок, но сè уште не знаеме за тоа. Но, ќе работиме на тоа, бидејќи ова е враќање во нормала“, рече тој.
