Последните вести, кои во најмала рака звучат изненадувачки, велат дека Лејкерси би можеле да трејдуваат Леброн Џејмс. Ова би требало да се случи во следните пет-шест дена со оглед што преодниот рок во НБА завршува на 8 февруари.
„Езерџиите“ во последните сезони редовно се обидуваа да го размрдаат тимот со размена на играчи, но немаа многу успех во тоа, а се чини дека сите во организацијата им е „преку глава“. Затоа тие се подготвени да се откажат од Џејмс кому договорот му истекува на крајот од сезоната. Прашање е што можат да добијат за Џејмс, бидејќи во претходните сезони даваа многу во обидите да го засилат тимот.
Ова го објави Дејвид Пингалор, човекот во 2012 година најави дека Џејмс по две години ќе се врати во Кливленд, потоа во 2018 година објави дека потенцијалната следна дестинација на Џејмс се Лејкерси, а една година подоцна објави дека Кави Ленард ќе потпише за Клиперс.
