Левица сè уште не ја доставила до Уставен иницијативата за двојазичните полициски униформи
Левица не испратила иницијатива до Уставниот суд за оценување на владината уредба со која по една година полициските униформи и амблеми ќе треба да бидат двојазични во општините каде најмалку 20 отсто од населението зборува албански. Запрашан дали судската одлука за уредбата може да има правни последици при нејзиното спроведување, министерот за внатрешни работи Оливер Спасовски рече дека судот треба да се произнесе за уставноста на уредбата.
Од друга страна, заменик-министерот за внатрешни работи, Назим Буши, рече дека во единицата „Тигри“ ќе има и Албанци. Елитната единица ќе прими и кадети од Идризово.
„Во единицата Тигри само што заврши интерниот конкурс. Сега следува конкурсот на кадети во Идризово. Од таму се очекуваат 20 членови. Сепак, тие дефинитивно треба да поминат низ обука. Мислам дека ќе имаме и Албанци“, рече Назим Буши, заменик министер за внатрешни работи.
Изборот и контролата на кандидатите за единицата ќе започне следниот месец.
Адриан Керими
