Лидерите на коалицијата ВЛЕН на едногодишнината од владата упатија порака до Демократската унија за интеграција, која според нив стана хор на клевети против секое достигнување на Албанците во владата
Лидерите на коалицијата ВЛЕН на едногодишнината од владата упатија порака до Демократската унија за интеграција, која според нив стана хор на клевети против секое достигнување на Албанците во владата
Под мотото „Една година работа, достоинство и промени“, лидерите на коалицијата ВЛЕН, придружувани од партиски функционери на централно и локално ниво, ја одбележаа првата годишнина на владата. Лидерите на коалицијата ВЛЕН, покрај тоа што ги истакнаа достигнувањата, испратија остри пораки до своите противници, опишувајќи ги како хор кои шири измислици, дезинформации и клевети. Изет Меџити од Демократското движење нагласи дека ДУИ, откако ја изгуби власта, објави војна на секое достигнување на ВЛЕН, додека Билал Касами од Движењето БЕСА нагласи дека оние кои се обиделе да го оцрнат успехот седат во скутот на ДУИ.
„Кога Албанците бараа работно место, тие правеа пазари под маси; кога граѓаните бараа правда, тие ја продаваа за гласови и услуги. Кога родителите бараа градинки за своите деца, тие отвораа казина за својата клиентела. А кога го изгубија владеењето, не направија рефлексија, туку објавија војна против секое наше постигнување“ – Изет Меџити, претседател на ЛД.
„За жал, имаше и такви што се обидоа да направат нешто такво, но не им беше дозволено, затоа денес седат во прегратките на своите пријатели кои му припаѓаат на истиот менталитет на дејствување. Иако нашите противници – и тие надворешните, но и оние што беа во самата влада – се обидоа преку шверцерски и неетички постапки да го оцрнат секој наш успех, не успеаја“ – Билал Касами, претседател на Лëвизјата БЕСА.
Покрај пораките упатени до ДУИ, имаше и порака до Арбен Таравари, кој го започна патот со ВЛЕН, но заврши во преговори за коалиција со Али Ахмети.
„На крајот беа тие двајца, како што ги нареков – докторот и пациентот – кои започнаа кампања рака под рака низ чаршијата на Скопје, поддржувајќи ја рехабилитацијата на Али и неговата мрежа на 22-годишна кражба и предавство, токму како што и очекувавме“ – Арбен Фетаи, Алијанса за Албанците.
„Жалосно е кога искусни политичари го бришат политичкиот морал и се интегрираат во структури против кои самите се бореле. Но денес ВЛЕН никогаш не бил пообединет, поодлучен, похармоничен и помоќен – и треба да се каже машала за тоа“ – Беким Ќоку, Движење Самоопределување.
Во меѓувреме, претседателот на Алтернатива, Зеќирија Ибрахими, истакна дека ВЛЕН ги има решено проблемите што ДУИ немала сила да ги реши, споменувајќи го училиштето во Норово, Медресето и универзитетскиот кампус.
„Идејата за албански универзитет е стара, но силата на оние што биле пред нас стигнувала само до некој трговски центар или казински локал. Затоа не можеле да издржат повеќе, но нашата влада одлучи да издржи повеќе – триесет и четири милиони евра за изградба на универзитетскиот кампус ‘Мајка Тереза’ во Скопје“ – Зеќирија Ибрахими, претседател на Алтернатива.
