Литванскиот министер за надворешни работи денеска во Скопје

Министерот за надворешни работи на Литванија, Габриелиус Ландсбергис денеска ќе престојува во работна посета на Северна Македонија. Тој ќе оствaри средба со својот домаќин, министерот за надворешни работи Бујар Османи на која, како што соопшти МНР, ќе стане збор за македонскиот евроинтегративен процес и конкретната литванска поддршка на тој план, за регионалната соработка, безбедносните прашања во светло на руската агресија врз Украина, како и за подготовките за НАТО Самитот во Мадрид.