Локалните избори во земјава ќе се одржат на 17 октомври
Локалните избори ќе бидат распишани на 6 август. Претседателот на Собранието, Талат Џафери, оценува дека 17 октомври е датум кој го предвидува Уставот за одржување на локални избори. Според него, датумот на изборите може да се одложи само во случаи кога земјата е во кризна или воена состојба.
„Имајќи предвид дека ова се редовни локални избори, треба да се обезбеди тие да се распишат не помалку од 70 дена и не повеќе од 90 дена од денот на гласањето, период во кој ДИК треба да го изготви правилникот за изборните рокови. 6 август е последниот датум за распишување на изборите. Од овој датум почнуваат да течат роковите за организација на изборите на 17 октомври “- deklaroi Талат Џафери, претседател на Собранието.
Џафери рече дека измените во изборниот законик може да се одобрат и по годишниот одмор на пратениците, но според него тоа ќе го комплицира текот на роковите. Пратениците предложија над 700 амандмани кон предложените измени. Нивното читање и разгледување тешко дека ќе помине до 1 август, кога и пратениците заминуваат на одмор. Измените на Изборниот законик предвидуваат промена на изборниот модел со отворени листи за советници и праг од 2 проценти за независни кандидатури и 3 проценти за учество во општинскиот совет. За прв пат е предвидено воспоставување преференцијални листи во кои кандидатите кои обезбедуваат 3 проценти од гласовите од бројот на гласачи на ниво на општина, се избираат автоматски, додека останатите се избираат според редоследот и системот за пребројување гласови. Малите партии се противат на прагот за собирање на потписи за независни кандидати и прагот за преференциални листи. Претседателот Стево Пендаровски најави дека нема да го потпише указот на Изборниот законик додека има спротивставување од помалите партии и партиите што не се организирани од пратенички групи.
Adrian Kerimi
