Маглешов: За да ја кренеме довербата во судството политичарите да ги тргнат рацете од тој сектор
Новинарот Васко Маглешов во своето вечерашно гостување во емисијата „200“ на Алсат изрази уверување дека Судот ќе донесе праведна одлука за случајот „Монструм“. Тој очекува дека ќе има незадоволна страна по објавување на пресудата, но очекува искуствата со овој случај да придонсат за внимателност кај политичарите кога се говори за судски случаи.
„Ми се чини дека ова е една лекција, да се биде многу внимателен и претпазлив кога е правдата во прашање. Да не се става постојано во секојдневните политички соопштенија и коментари бидејќи им прават контра услуга на судиите и на обвинителите коишто мораат да постапуваат по закон. Ако сакаме да ја дигнеме довербата од 2% во правосудството, колку што беше лани според институтот ИРИ, ми се чини дека политичарите мора да тргнат раце од правосудството како сектор“, рече Маглешов.
